اڈگوئی پاس (Badgoai pass)

سوات اور دیر کا بارڈر جو ایک خوبصورت وادی کو دوسرے وادی سے ملاتا ہے. انتہائی دلفریب اور پر سکون ٹاپ جہاں آپ بہت سے پہاڑوں کا سینہ چیر کر پہنچنتے ہیں. گبرال سے تھل (کمراٹ) تک کا سفر چار سے پانچ گھنٹوں میں باآسانی ہوپاتا ہے.

شاہی باغ میں رات گزارنے کے بعد اگلی صبح سویرے ہی سویرے ناشتہ کیے بغیر کمراٹ کیلئے روانہ ہوئے۔ شاہی باغ سڑک نہایت خستہ حالت میں ہے۔ شاہی باغ سے گبرال تک تقریباً ڈیڑھ گھنٹے کی مسلسل اترائی ہے۔ موٹر سائکل پر اترتے ہوئے ہر وقت یہی خوف لگا رہا کہ ابھی رک جائے گا اور اگر اک دفعہ رک گیا تو شاید پھر چلنے کا نام نہ لے.

گبرال پہنچ کر عثمان ربانی کے ساتھ ناشتہ کیا اور باڈگوئی پاس سے کمراٹ کے لیے روانگی شروع کی۔ یہ ایک نہایت مشکل اور پرخطر رستہ ہے۔ ٹاپ تک مسلسل چڑھائی سفر کو اور بھی مشکل بنا لیتی ہے۔ ٹاپ تک ہم بخیر و عافیت پہنچ گئے۔ اور وہاں پیٹ بھر کر دو پہر کا کھانا کھایا۔ کچھ آرام کیا اور منزل کی طرف روانہ ہوئے۔ اب پتھریلی راستے اور موسلادار میں بارش ہمارا سفر جاری رہا۔ یہ سفر دو گھنٹوں پر مشتمل تھا۔ کافی خواری اٹھانی پڑی۔ مگر آخر کار تل (کمراٹ) تک پہنچ ہی گئے۔ وہاں اپنے دوسرے گھر میں رات گزاری اور اگلی صبح جاز بانڈہ کےلئے روانگی ہوئی.

جہاز بانڈہ, کنڈولئی بانڈہ اور جہاز آبشار

سفر کا تیسرا دن

صبح ناشتہ کرنے کے بعد اپنی منزل کی طرف روانہ ہوئے ۔تھل سے چالیس منٹ جندرئی تک کا سفر نارمل تھا وہاں پر زیادہ لوگ اپنی گاڑیوں کو پارک کرکے جہاز بانڈہ کی طرف ٹریک پر روانہ ہوئے جو پانچ سے چھ گھنٹوں کی مسافت پر تھا مگر ہم تو ایڈ ونچر کیلئے نکلے تھےاور سوچ کچھ الگ کرنے کا تھا ۔وہاں مقامی لوگوں سے مشورہ کیا کہ کیا آگے تک موٹر سائیکل پر جاسکتے ہیں؟ جواب آیا کہ ہاں اگر بائک اچھی حالت میں ہو اور ڈرائیونگ میں مہارت ہو تو جا سکتے ہیں آپ۔ ہمارا جواب تھا جناب مہارت کی کوئی ضرورت نہیں۔ جزبہ اور جنون درکار ہوتا ہے اور روانہ ہوئے راستہ تقریباً نا ممکن تھا کہی کہی نہ جانے کا سوچاکیونکہ نیچے گرنے پر گہرائی بہت زیادہ تھی اور موت کا ڈر تھامگر دل نے دماغ کی نہ مانی اور چلتے گئے راستہ ڈھائی گھنٹے مسلسل نا ختم ہونے والی چڑائی تھی کبھی موٹر سائیکل ہم کو اور کبھی ہم موٹر سائیکل کو لے جاتے اور آخر کار ہم آخری ممکن جگہ ٹگئی تک پہنچ ہی گئے وہاں موٹر سائیکل پارک کرلی اور باقی راستہ جو ٹریکنگ کا تھا اورجندرئی سے چھ گھنٹوں کا تھا ہم نے ڈیڑھ گھنٹوں تک مختصر کرلیا اور بارہ بجے جہاز بانڈہ پہنچ ہی گئے وہاں کیمپنگ کی اور آرام کیا جس کے بعد جہاز آبشار گئے وہاں ساری راستے کی تھکاوٹ آبشار میں بہہ گئی اور دو پہر دیر تک کنڈولئی بانڈہ میں مستی کی خوب پوٹوگرافی کی اور واپس اپنے کیمپ میں آگئے رات کو اور دوستوں کے ساتھ آگ لگائی بون پائر کیا اور سردی میں گرم چائے کا خوب مزہ لیا ۔ رات کو آرام کیا اور صبح کٹوری جھیل کی طرف روانگی ہوئی